قصيدة ايكف كف رحيلك/ الشاعر حسن الحويزي

ایکف کف ارحیلک


فارشلک ارموشی ابحرثت العشاگ
اوعلى انغام البلابل شوگ اغنیلک

ماافتح اعیونی خاف منهه اطیح
انه اوحلمی صفینه ابسکته نبچیلک

تضل ابطیفی صدگ ونته وسط العین
مثل امی الحنینه ابلیلی الولیلک

ییوسف گوم وصل جدمک الکنعان
مثل یعگوب صایر گلبی یدعیلک

الوکت طوفان صایر وأنه خوفی اعلیک
تعال الگلبی مرکب نوح قادیلک

یانبع الوفه یلساکن الدلال
عن نار الهجر خلینی احچیلک

یا عمری الصبر چز منی من اعوام
وجدامی اتعبت مابیهه تمشیلک

انه ابدونک یخلی مرمی چن تمثال
ولاچف الیسحنی امنهد مندیلک

الدمع شرّگ اعیونی اوفارگیت النوم
کل دمعه التسیل ابلوعه تشکیلک

تحیر امودتک ماادری سرهه اشلون
یاصبر ابکتابی اشلون ترتیلک

انجوم اشگد اعد ماصادگیت الیل
وسولف علهجر چم یوم باجیلک

کله عظمی الهجر ولدنیه تمطر جور
یابرد الشته عذبنی اصلیلک

غاطینی الحزن یا بلبل الاشواگ
اطرب ورتوی امنسمع مواویلک

هایم ولعمر ضاع ابسبب فرگاک
الدمع بجفاک چن نهران یجریلک

اعیونی اعله الجوافل تربی های اسنین واگول اویلیجون ایکف کف ارحیلک

حسن نیسی الحویزی