شجرة ونهر/ الشاعر محمد النيسي

شـجرة ونهر
کلمات الشاعر محمد نیـسي
،،،،      ،،،،،،
ولله ملّیت السفر
صار إلي تايه شهر
بالخريف
أرض وعره
ماكو ظِل تحت الشجر
انه تعبّني السهر
بس نهر ناشف اشوف
شجره اشوفن
شجره آخر ورگه بيهه
الهوا امكسر اديهه
طايحه وسط النهر
الريح خلاني مثل گصبه اموين
ما طحت طاح النظر
شاف الـورگه خريطه
اهواي ارسوم العليهه
الشمس متلَثمه ابمحرّم وبصَفر
أنهار ذابحّـهه الجفاف
گمت أخاف
جبل بيهه
چن یصیح الله اکبر
الخریطه اتسولف ابقصة زمان امنل دهر
بیهه امثال ابکثر تمر النخل
بیهه اهوار او صرایف
بیهه آلاف السوالف ولعِبَر
وحگ من خضّر العود ويبّسه
بيهه أثر يتبع أثر
بيه لو عِدّ المضايف
تزعل ابيوت الشَعَر
إتسولف ابقصة بشر
قصة انه اوياك معشر
سلّمت شمس الخريطه
چلچل اغروب الّثام
وانه هم مديت ايدي
گلت بلكي اليوم عيدي
أحله ايام الـقَدَر
جيت اشگ منهه الّثام
وحس خنجر بالظهر؟
ما حَسّبت خان الگمر
ما حَسّبت خان الگمر